Praat mar Frysk by Slachtofferhulp

By Slachtofferhulp hast gauris te krijen mei emosjonele en persoanlike saken. Hoe sit it dan mei it Frysk en hoe gean se dêr by Slachtofferhulp mei om? Tsjek de fideo!

Bining mei dyn regio
It gebrûk fan de Fryske taal kin hiel goed as in plus wurkje op dyn bedriuwsidentiteit, dyn klantrelaasjes en de bining mei dyn regio. Dêrneist jout it brûken fan it Frysk by Frysktaligen in gefoel fan fertrouwen en draacht it by oan it wolwêzen fan de pasjint, kliïnt of klant, benammen yn soarchsitewaasjes of as it giet om finânsjes of oare persoanlike saken.

Subsydzje beskikber foar sichtberens fan it Frysk!
Soesto yn dyn bedriuw of op dyn wurk mear mei it Frysk dwaan wolle, mar witst net sa goed hoe? Dan kinne wy dy dêr by helpe. Boppedat hat de provinsje Fryslân in bedrach beskikber steld om bedriuwen en organisaasjes te stypjen mear mei de sichtberens fan it Frysk te dwaan.

Wolst mear witte? Tsjek dizze link of stjoer ús in mailsje: ynfo@praatmarfrysk.nl.