😱 FERGETTEN WURD 😱 `𝗧𝘀𝗷𝗲𝗻`

Ned: tijgen, trekken
Eng: to pull

Betsjutting: (op wei) gean (nei), trekke; mei krêft lûke, mei in krêftige beweging oanhelje, oanlûke, útlûke.

Tiidwurd ferbûgingen:
- notiid: ik tsjoch, wy tsjogge, mulwurd: tsjend
- doetiid: ik teach, wy teagen, mulwurd: tein

Ek: tiigje (Aldfrysk: tigia)
Der is ek noch in oare âlde foarm ‘tiigje’ (Aldfrysk: thigia) – gedijen. Yn it Frysk ‘dije’. Dêr komt ús wurd ‘tige’ wei.

𝗪ê𝗿 𝗸𝗼𝗺𝘁 𝗶𝘁 𝘄𝗲𝗶?
It tiidwurd ‘tsjen’ is net hiel gongber yn it Frysk (Douwe Tamminga sei yn 1963 al dat it mei de ‘tsjerkhôfblommen op ‘e wangen om rûn’), mar dochs is it in yn in pear konteksten hiel bekend. Ik brûk it tiidwurd sa besjoen bêst noch wol faak.

Wêr moatst dan oan tinke? Bygelyks oan ús folksliet: Frysk bloed, 𝘁𝘀𝗷𝗼𝗰𝗵 op! En as ik yn it bûtenlân frege wurd wat ‘santé’ of ‘proost’ is yn it Frysk, sis ik: 𝘁𝘀𝗷𝗼𝗰𝗵! En as my frege wurdt: ‘Wêr komsto wei?’, dan sis ik it geregeld sa: ‘Ik bin hikke en tein yn Grou.’ En as ik bliid bin, bin ik ‘𝗼𝗽𝘁𝗲𝗶𝗻’: opgetogen. Wat minder gongber, mar ek noch wol gebrûklik: sy 𝘁𝗲𝗮𝗴𝗲𝗻 nei in oar lân.

Yn it Nederlânsk is wol wat itselde oan de hân. It tiidwurd ‘tijgen’ kenne wy eins net, mar ‘geboren en getogen’ wol en ‘opgetogen’ ek. Folksliet en it glês heffe litte wy hjir mar efkes foar wat it is. Ek wurden as ‘betijen’ en ‘teug’ en ‘getuigen’ hawwe in ferbining mei ‘tijgen.’

Der is in grut tal talen dat dit tiidwurd yn dizze ferlykbere foarm hawwe: de Germaanske talen (tsjen komt út it Aldfrysk - tia), mar ek it Welsh en it Albaneesk bygelyks. Yn it Ingelsk is der link mei ‘to tie’ en yn it Dútsk mei ‘ziehen’.

𝘈𝘭𝘭𝘦 𝘮𝘰𝘢𝘯𝘯𝘦𝘯 𝘣𝘦𝘴𝘱𝘳𝘦𝘬𝘵 𝘔𝘪𝘳𝘫𝘢𝘮 𝘝𝘦𝘭𝘭𝘪𝘯𝘨𝘢 𝘪𝘯 𝘣𝘺𝘴û𝘯𝘥𝘦𝘳 𝘰𝘧 𝘧𝘦𝘳𝘨𝘦𝘵𝘵𝘦𝘯 #𝘍𝘳𝘺𝘴𝘬 𝘸𝘶𝘳𝘥 𝘰𝘱 𝘖𝘮𝘳𝘰𝘱 𝘍𝘳𝘺𝘴𝘭â𝘯 𝘙𝘢𝘥𝘪𝘰 𝘺𝘯 𝘪𝘵 𝘱𝘳𝘰𝘨𝘳𝘢𝘮𝘮𝘢 𝘎𝘰𝘦𝘪𝘦𝘮𝘪𝘥𝘥𝘦𝘪 𝘮𝘦𝘪 𝘑𝘰𝘩𝘢𝘯 𝘛𝘦𝘳𝘱𝘴𝘵𝘳𝘢.

📣 It is alwer april! In nije moanne! Tiid foar in nije boeketip 10!

Dit is de Afûk -boeketip 10 fan dizze moanne!📚Lekker lêze! 😄|

Tsjek de Tip 10 ⬇️

https://websjop.afuk.frl/frl/producten/afuk-boeketip-10