Game yn it Frysk!

De game SCHiM is ûnderwilens mear as 40 miljoen kear besjoen. In ynternasjonaal suksesfolle game dy’t sels selektearre is foar in Gouden Kalf! Boppedat, it spultsje is ék yn it Frysk te dwaan. De makkers fan de game, Nils Slijkerman en Ewoud van der Werf, hawwe Us Mem en de Snitser Wetterpoarte der sels yn ferwurke! In ynternasjonaal suksesfolle game mei de Fryske taal en echte Fryske aksinten! Wy fregen Nils en Ewoud hoe’t dat no presys sit.